Хопман Кубоги. Швейцария чемпионлик ҳимоясига киришди

Рожер Федерер бошчилигидаги Швейцария терма жамоаси илк учрашувда Буюк Британия теннисчиларидан 3:0 ҳисобида устун келди. Федерер рақиби Кэмерон Норрига бор йўғи иккита гейм берди - 6/1, 6/1.

Белинда Бенчич эса Кэти Бултердан 6/2, 7/6(0) ҳисобида устун келди. Аралаш жуфтлик баҳсида Федерер ва Бенчич Норри ҳамда Бултерни 4/3(4), 4/1 ҳисобида таслим этишди. Швейцария терма жамоаси мусобақанинг амалдаги ғолиби ҳисобланади.