16 мар 11:50
Янгиликлар
Олимпия ўйинлари
ХОҚ россиялик спортчилар учун қабул қилинган қарорини ўзгартирмайди
Халқаро олимпия қўмитаси (ХОҚ) россиялик спортчиларни 2024 йилда Париж (Франция)да бўлиб ўтадиган Олимпиада ўйинларига қабул қилиш бўйича 2023 йил декабрида эълон қилинган мезонлари ўзгартирилмаслигини маълум қилди.
Бу ҳақда РИА Новости Спорт хабар берди.
Шунингдек, ОАВ хабарларига кўра, келаси ҳафта ХОҚ Ижроия қўмитаси россияликларни Олимпиадага қабул қилиш мезонларини амалга ошириш бўйича қарорлар қабул қилади.
"Барча тамойиллар 2023 йил 8 декабрда шакллантирилган ва эълон қилинган. Улар ўзгартирилмайди. Ушбу тамойилларни амалга ошириш бўйича ХОҚ Ижроия қўмитаси келаси ҳафта ўз йиғилишида тегишли қарорлар қабул қилади", — дея ХОҚ баёнотидан иқтибос келтиради РИА Новости Спорт.
Эслатиб ўтамиз, ХОҚ 2023 йил охирида эълон қилган мезонларга кўра, россиялик спортчилар Париждаги ўйинларда фақат нейтрал мақомда ва фақат индивидуал спорт турлари бўйича иштирок этишлари мумкин бўлади.
Ҳавола :
Манба : РИА Новости Спорт
Фикрлар