29 ноя 08:03
Янгиликлар

Бошқалар

Хоразмда моҳир авиамоделчилар жам бўлишди + ФОТО

Жойларда “Ватанпарвар” ташкилотининг 31 йиллиги муносабати билан маънавий-маърифий тадбирлар, спорт мусобақалари уюштирилди.

Урганч олимпия ва паралимпия спорт турларига тайёрлаш маркази базасида авиамодел спорти бўйича ташкил этилган Хоразм вилояти очиқ биринчилиги ана шулар сирасидан, албатта.

Мусобақада Қорақалпоғистон Республикаси, Хоразм, Сурхондарё, Бухоро ва Навоий вилоятларининг спортчилари авиамоделнинг F-1-N, F-2-D, F-1-M ва F-1-D синфлари бўйича ўзаро баҳс юритишди.

F-1-N синфи биринчилиги. 1-ўрин. Фаррух Сафоев (Бухоро), 2-ўрин. Рашид Кошаев (Қорақалпоғистон). 3-ўрин. Дилшод Нигмуродов (Бухоро).

F-2-D синфи биринчилиги. 1-ўрин. Радик Искандаров/Отабек Абдуллаев (Хоразм). 2-ўрин. Руслан Раҳматов/Шаҳзодбек Раҳимов (Навоий). 3-ўрин. Фарҳод Жавлиев/Ҳайитмурод Омонов (Сурхондарё).

F-1-M синфи биринчилиги. 1-ўрин. Шаҳбоз Бафоев (Бухоро). 2-ўрин. Сардор Рўзиев (Бухоро). 3-ўрин. Шаҳзодбек Раҳимов (Навоий).

F-1-D синфи биринчилиги. 1-ўрин. Шамсиддин Бафоев (Бухоро). 2-ўрин. Фирдавс Бекмурадов (Бухоро). 3-ўрин. Раҳмон Азимов (Сурхондарё).

Умумжамоа ҳисобида Бухоро вилояти терма жамоаси биринчи ўринни эгаллади. Иккинчи ўрин сурхондарёлик спортчиларга насиб этди. Фахрли учинчи ўриндан навоийлик авиамоделчилар жой олишди.

Биринчиликнинг ёпилиш маросимида қатнашган Ўзбекистон Республикаси мудофаасига кўмаклашувчи “Ватанпарвар” ташкилоти Хоразм вилоят техник ва амалий спорт турлари маркази директори Одилбек Ибрагимов ғолиб ва совриндор спортчиларни эришган муваффақиятлари билан қизғин қутлаб, уларни тегишли даражадаги диплом, медаль ва совғалар билан тақдирлади.