Хуахин турнирида чорак финалчилар маълум бўлди

Мусобақанинг иккинчи давра баҳсларидан сўнг барча чорак финал иштирокчилари маълум бўлди. Швейцариялик Виктория Голубич хитойлик дугонаси Дуань Йин-Йинни 7/6(4), 7/5, яна бир хитойлик теннисчи Яфань Ван ватандоши Чжан Шуайни 4/1 ҳисобида мағлуб этди. Жароҳат сабаб Шуай учрашувни якунига етказа олмади. 

WTA рейтингида 98-ўринни эгаллаб турган польшалик Магда Линетт руминиялик Моника Никулескудан 4/6, 6/3, 6/2 ҳисобида устун келди. Дунёнинг 74-ракеткаси словениялик Тамара Зиданшек Женнифер Брэдини 6/3, 0/6, 7/6(9) ҳисобида енгди.