14 май 09:36
Янгиликлар

Теннис

Янник Синнер Рим "Мастерс" 1/4 финалида

Дунёнинг биринчи ракеткаси Янник Синнер Италия пойтахтида давом этаётган "Мастерс" турнирининг чорак финал иштирокчисига айланди.

Мезбон теннисчи 1/8 финалда ATP рейтигида 18-ўринни эгаллаб турган аргентиналик Франсиско Серундолони 7/6(2), 6/3 ҳисобида мағлубиятга учратди. Янник теннисчиларнинг ўзаро учрашувлари ҳисобида олдинга чиқиб олди - 3:2.

Икки соату 17 дақиқа давом этган баҳсда иккала теннисчи ҳам 2 тадан эйс зарбасини амалга оширган. Брейклар бўйича кичик устунлик Синнер томонида бўлди - 3 га 2.