Япониялик жангчи Bellator чемпиони Питбулни нокаутга учратди

Super Rizin 2 турнири доирасидаги жангларнинг бири кутилмаган натижа билан якунига етди. Ярименгил вазнда амалдаги Bellator чемпиони Патрисио "Питбуль" Фрейре биринчи раунддаёқ япониялик Чихиро Сузукига нокаут эвазига ютқазиб қўйди.

Патрисио Фрейре ўтган ой енгил вазн тоифаси чемпиони Сержио Петтисдан ҳам мағлубият аламини тотиб кўрганди. Бу билан у икки вазнда Bellator чемпиони бўлиш имкониятини йўққа чиқарганди. Питбуль ярименгил вазнда Bellator чемпиони бўлиш билан бирга вазн тоифасидан қатъий назар ташкилотнинг энг кучли жангчилари рейтингида иккинчи ўринни эгаллаб турибди.