Ярим миллион доллар учун ўтаётган Champions Chess Tour турнирида финалчилар маълум

Мукофот жамғармаси 500 000 АҚШ долларини ташкил қилувчи мусобақада дунёнинг кўзга кўринган гроссмейстерлари баҳс олиб боришяпти. Кеча ярим финал учрашувлари ўтказилиб, бош мукофот учун ўзаро дона сурадиган шахматчилар маълум бўлди. 

Дунё рейтингида саккизинчи ўринни эгаллаб турган россиялик гроссмейстер Ян Непомняший ҳамда 16-Жаҳон чемпиони норвегиялик Магнус Карлсен финал чиптасини қўлга киритди. 

Непомняший 1/2 финалда франциялик Алиреза Фирузжани 3,5:0,5, Карлсен эса бошқа бир фаранг шахматчиси Максим Вашье-Лагравни 3,5:1,5 ҳисобида таслим этди. Бугун финал учрашуви ўтказилади.