31 янв 09:40
Янгиликлар

Бокс/ММА

Йўғе? Френсис Нганну чемпионлик камаридан воз кечишга тайёр

Теглар : Нганну

Оғир вазн тоифасида амалдаги UFC чемпиони Френсис Нганну агар ташкилот унинг чемпионлик имтиёзларини олиб ташласа, у чемпионликдан воз кечишга тайёрлигини билдирди.

"Мен бундан ташвишланмайман, негаки, бу шунчаки камар, тушуняпсизми? Улар чемпионлик камаримни олишса, мен эркин агентга айланаман. Мен чемпионликка лойиқман, лекин камар мени чемпион қилолмайди. Мен ундан воз кечишга тайёрман. Камар биланми, камарсизми, барибир чемпионман. Шундай экан, келинг аниқлик киритайлик — менинг чемпионлигимни ҳеч нарса ўзгартиролмайди", - дея таъкидлаган "Йиртқич".

Анахаймдаги UFC 270 мусобақасида вақтинчалик чемпион Сирил Ганни очколар эвазига мағлубиятга учратган Френсис Нганну эски шартнома бўйича бошқа жанг ўтказмаслигини маълум қилди, шунингдек, ташкилот томонидан таклиф қилинган янги шартнома ҳам унга мос келмаслигини очиқ айтди.

Кейинроқ маълум бўлишича, камерунлик спортчи тиззасидан операция қилинади. Ундан сўнг тикланиш жараёни тўққиз ойгача давом этади ва бу вақтга келиб унинг ғалабаси муносабати билан узайтирилган UFC билан амалдаги шартномаси тугайди. Агар ташкилот "Йиртқич"нинг чемпионлик камаридан воз кечишга қарор қилса, у дарҳол эркин агентга айланади.