Юнон-рум курашчимиз Қувончбек Исмоилов жаҳон чемпиони + ФОТОГАЛЕРЕЯ

Дунё биринчилигининг илк куни юнон-рум кураши бўйича 4 та вазн тоифасида ғолиб ва совриндорлар маълум бўлди. Қувонарлиси, 63 кг вазн тоифасида ташкил этилган беллашувларда Қувончбек Исмоилов жаҳон чемпионига айланди. Ҳамюртимиз ҳал қилувчи финал баҳсида россиялик Салим Кармаховни 9:7 ҳисобида мағлубиятга учратди. 

Исмоилов финалга қадар хитойлик Жаожиан Вангни 14:5, финляндиялик Матиас Арпяненни 9:8, озарбайжонлик Турал Аҳмадовни 3:2, эквадорлик Велиз Карраседони 3:2 ҳисобида таслим этди. 

Бугун яна уч нафар юнон-рум курашчимизда бронза медалини қўлга киритиш имконияти бор. Ҳожиакбар Қўчқоров (55 кг) ва Беҳрузбек Алиев (72 кг) тўғридан-тўғри бронза медали учун гиламга чиқади. Уларнинг рақиблари ўтиш баҳсларидан сўнг маълум бўлади. 97 кг вазндаги Фахрикамол Комилжонов ўтиш беллашувида япониялик Рёсей Катамтсу билан ҳисоб-китоб қилади.