Забит жиддий жароҳат сабаб Рауль билан жанг қилмайди, унинг ўрнини укаси эгаллайди (ФОТО)

Аввалроқ мусобақанинг марказий беллашувида Забит Магомедшарипов иштирок этиши режалаштирилган эди. Бироқ у саломатлиги билан боғлиқ муаммолар туфайли турнирни тарк этишга мажбур бўлди. 

Энди Ҳасан Магомедшарипов акасининг ўрнига Рауль Росасга қарши гиламга чиқади. Бу ҳақда ACBJJ лигаси матбуот хизмати хабар берди.

35 ёшли Забит Магомедшарипов профессионал аралаш яккакурашлардаги фаолиятини 2012 йилда бошлаган. У 2017–2019 йиллар давомида UFC промоушенида иштирок этган. Дунёнинг энг нуфузли ММА ташкилотида Забит 6 та жанг ўтказиб, уларнинг барчасида ғалаба қозонган.

21 ёшли Рауль Росас эса 2022 йилдан буён UFC сафида жанг қилиб келмоқда. У ташкилотга Дана Уайтнинг Contender Series саралаш турнири орқали йўлланма олган. Шу вақтга қадар UFCда 8 та жанг ўтказиб, шулардан биттасида мағлубиятга учраган. Унинг профессионал ММА фаолиятидаги умумий ҳисоби 13 та ғалабани ташкил қилади.