FOTO Pekin Olimpiadasi qanchaga tushdi?

Pekin Olimpiadasi tashkilotchilari Olimpiya o'yinlari uchun ketgan harajat 3,9 milliard dollarni tashkil etganini malum qilishdi. Bu Olimpiya o'yinlari tarixidagi eng past ko'rsatkichlardan biridir. 

Taqqoslash uchun, Tokiodagi Yozgi Olimpiya o'yinlari 28 milliard dollarga, Sochidagi Qishki Olimpiada 22 milliard dollarga baholangan ( Tifosy kompaniyasining hisob-kitoblariga ko'ra). 2008 yilgi Pekindagi yozgi Olimpiada esa 42 milliard dollarga tushgan edi.

Tifosy infografikasi:

Olimpiada Xitoyga 10 barobar qimmatga tushgan bo'lishi ham mumkin...

Business Insider malumotlariga ko'ra, 2022 yilgi Olimpiada Xitoyga qurilish harajatlari va ayrim infratuzilmalarni hisobga olgan holda 38,5 milliard dollarga tushgan bo'lishi mumkin.

Xitoy, shuningdek, kovid xavfsizligi choralari uchun ketgan pullarni va atrof-muhit harajatlarini ushbu harajatlar qismiga kiritmagan. Ular bilan bu ko'rsatkich yuqoriroq bo'lar edi.

Xitoy yana bazi harajatlarni "kapitalni yaxshilash deya izohladi" va Olimpiadaning rasmiy harajatlariga kiritmadi. 2008 yilgi O'yinlardagi bir qator obektlar, masalan, "Qush uyasi" stadioni va "Water Cube" suzish majmuasi Qishki Olimpiada uchun moslashtirildi, ammo harajatlar ro'yxatiga kiritilmadi. Pekin qurilishiga 186,6 million dollar sarflangan  "Ice Ribbon Skating" Arenaning harajatlarini ham ro'yxatga qo'shmadi.

Etiboringizga yana bazi raqamlarni havola etamiz:

Olimpiya shaharchasi – 3,16 milliard dollar;

Yancinda bobsley, skeleton, chang'i sporti va tog' chang'isi uchun ketgan harajat - 442,9 million dollar;

Yangi avtomagistrallar qurilishi - 15,02 mlrd. dollar;

O'yinlarga xizmat ko'rsatish uchun metro liniyalari - 773,5 million dollar;

CHjanczyakou Ninyuan aeroportini bezash - 256 million dollar.

Bularning barchasi Pekin elon qilgan byudjetga to'g'ri kelmasligi aniq.