XOQ Pekin-2022 Tashkiliy qo'mitasining faoliyatiga yuqori baho berdi

Unda komissiya azolari tashkiliy qo'mita koronavirus pandemiyasi sharoitlarida erishgan natijalarini yuqori baholadi.

Muvofiqlashtiruvchi komissiyaning raisi kichik Xuan Antonio Samaranch Pekin-2022 Tashkiliy qo'mitasi tomonidan erishilgan natijalar uchun Xitoy tomoniga minnatdorchilik bildirdi. Tashkiliy qo'mita koronavirus inqirozi sharoitlarida faoliyatini davom ettirishga qanday moslashganligini hamda qator istiqbolli loyihalar to'g'risidagi yangilangan malumotlarni taqdim etdi.

Videokonferenciyada, shuningdek, xalqaro sport federaciyalari va Butunjahon parasport vakillari ham ishtirok etdilar. Muloqotda Olimpiya o'yinlari obektlaridan biri – Pekindagi «Ice Jar» yopiq mashg'ulot markazida olib borilayotgan ishlar to'g'risida hisobot berildi. SHu yil may oyida qurib bitkazilgan inshootda kerling va short-trek uchun xalqaro standartga ega muz saroyi bor. Ushbu obektda Xitoyning konkida uchish va figurali uchish bo'yicha sportchilari mashqlarini o'tkazadi.

Pekin-2022 Tashkiliy qo'mitasi Yancindagi Milliy tog' chang'i markazi va Olimpiya qishlog'ining shu yil oxiriga borib qurib bitkazilishini malum qildi. Mamlakatda qishki sport turlari bilan shug'ullanishga 300 million kishini jalb qilish maqsadida “Pekin-2022” dasturi doirasida maktab o'quvchilarining Milliy tog' chang'i markaziga tashriflari uyushtiriladi.

Qolaversa, onlayn uchrashuvda ko'ngillilarni jalb etish bo'yicha erishilgan natijalar ham muhokama qilindi. Tashkiliy qo'mita vakillari homiylik, ko'ngillilar va qishki Olimpiya o'yinlari bilan bog'liq xizmatlar ko'rsatish uchun 800 mingdan ko'proq buyurtma olganliklarini malum qilishdi.

O'yinlarning tantanali ochilish marosimi 2022 yil 4 fevralda bo'lib o'tadi. Mazkur qishki Olimpiya o'yinlarining bahslari uchta asosiy klaster – Pekinning o'zi, Yancin va CHjanczyakouda o'tkaziladi. SHu tariqa Pekin ham yozgi, ham qishki Olimpiya o'yinlari mezboni bo'ladigan jahonda birinchi shaharga aylanadi.