17 ёшли Мирра Андреева 1/4 финалда, у Топ-20`да дебют қилади

Россиялик 17 ёшли иқтидор эгаси тўртинчи босқич баҳсида WTA рейтингида 45-поғонада бораётган польшалик Магда Линеттни ортиқча қийинчиликсиз мағлубиятга учратди - 6/1, 6/3. Теннисчиларнинг ўзаро учинчи учрашувидан сўнг Мирра ҳисобда олдинга чиқиб олди - 2:1.

74 дақиқалик баҳс статистикаси:

Мирра Андреева - 1 та эйс, 3 та қўшхато, 7 та брейк

Магда Линетт - 2 та эйс, қўшхато йўқ, 3 та брейк

Андреева бу йилги мавсумда учинчи бор WTA 1000 тоифасига кирувчи турнирнинг 1/4 финалида ўйнайди. Бунинг натижасида у янгиланган рейтингда Топ-20`таликда дебют қилади.