07 ноя 11:55
Янгиликлар

Бокс/ММА

Bellator 251 турнирининг марказий жангида нокаут қайд этилди + ФОТОГАЛЕРЕЯ

АҚШнинг Анкасвилл шаҳрида аралаш яккакураш қоидалари бўйича Bellator турнири бўлиб ўтди.

Оқшомнинг марказий жанги ярим оғир вазн тоифасида собиқ UFC жангиси Кори Андерсон ҳамда кикбоксинг ва тажрибали аралаш яккакурашлар устаси Мелвин Манхуф ўртасида бўлиб ўтди. Бу Андерсон учун Bellator промоушенидаги дебют жанг эди.

Беш раундга мўлжалланган жанг иккинчи раунднинг ўрталарида рефери томонидан тўхтатилди. Америкалик жангчи нидерландиялик рақибини партерга тушиб, кетма-кет зарбалар ёмғирини ёғдирди. Ҳимоясиз қолган Манхуфни чуқур нокаутдан рефери сақлаб қолди.

Жанг якунланганидан сўнг Кори Андерсон чемпионлик баҳсига тайёр эканини маълум қилди. Вазн чемпиони бўлиб турган россиялик Вадим Немков камарини даъвогар Фил Дэвисдан ҳимоя қилиши керак.