20 дек 07:52
Янгиликлар

Бокс/ММА

50 ёшли Андерсон Сильва бокс жангида Тайрон Вудлини нокаутга учратди

Айни дақиқаларда АҚШнинг Майами шаҳрида асосий жанги Энтони Жошуа - Жейк Пол бўлган "MVP" компаниясининг бокс кечаси давом этмоқда.

Оқшом доирасида ўрта вазн тоифасида собиқ UFC чемпиони Андерсон Сильва ярим ўрта вазн тоифасида худди шундай унвоннинг собиқ эгаси Тайрон Вудли устидан муддатидан олдин ғалаба қозонди.

Иккинчи раундда Сильва дастлаб Вудлини аниқ апперкот зарбаси билан "силкитди", кейин эса уни рингга қулатди. Вудли ҳисоб тугагунча ўрнидан туришга муваффақ бўлди, аммо ҳакам жангни тўхтатишга мажбур бўлди.

Энди Сильванинг профессионал боксдаги фаолияти тўртта ғалаба ва икки мағлубиятдан иборат. Вудли профессионал рингда учта жанг ўтказиб, барчасида мағлуб бўлган.