14 июн 11:53
Янгиликлар

Бокс/ММА

Жошуа Sky Sports телеканалини бошқасига алмаштирди

Супероғир вазн тоифасида собиқ жаҳон чемпиони Энтони Жошуа Sky Sports телеканали билан шартномани узайтирмади.

Британиялик боксчи DAZN стримминг-сервиз компанияси билан узоқ йиллик шартнома имзолади. Бу ҳақда компания расмий сайтида хабар эълон қилинди.

Сўнгги йилларда Жошуанинг жангларини Sky Sports телеканали тўғридан-тўғри эфирда трансляция қилиб келаётганди. Энтони сўнгги жангини ўтган йилнинг сентябрь ойида ўтказганди. "Тоттенхэм" клубига тегишли стадионда ўтган ўша жангда у украиналик Александр Усикка очколар ҳисобига кўра имкониятни бой бериб қўйган эди.

Британиялик 32 ёшли боксчининг Усикка қарши реванш жангини айнан DAZN пуллик PPV тизимида трансляция қилади. Ушбу жанг катта эҳтимол билан август ойида Саудия Арабистонида бўлиб ўтади.