Анте Делия мағлубиятдан норози: "Бундай спортни ҳали кўрмаганман!"

Кеча АҚШнинг Лас-Вегас шаҳрида этилган UFC турнирининг co-main event, яъни аҳамияти жиҳатидан иккинчи жангида Вальдо Кортес-Акоста Анте Делияни камбэк эвазига нокаутга учратганди. Биринчи раунднинг тўртинчи дақиқасида хорватиялик Кортес-Акостанинг кўзига бармоқларини суқиб олди ва кўзини қўли билан тўсиб олган рақибига ташланди. Рефери Марк Смит қоида бузилиш вазиятини кўрмай қолди ва жангни тўхатди. Делия ғалабасини нишонлай бошлади. Лекин вазият қайта кўриб чиқилгач, хорватияликнинг ҳаракати қоида бузилиши сифатида талқин қилинди. Кўзида муаммо юзага келган бўлса-да, жангни давом эттиришга қарор қилган Кортес-Акоста рақибини нокаутга учратганди.

"Мен унинг кўзига теккан-тегмаганимга ишончим комил эмас. Ҳакам "тайм-аут" кўрсатмади ва аксинча, жангни тўхтатди ва мени ғолиб деб эълон қилди. Бу қарорни ўзгартириб бўлмайди. Рақибим бир неча дақиқа давомида ҳакамлар видео такрорни кўриб чиққунича дам олиб ўтирди. Такрорлаш жанг тўхтатилгандан кейин ишлатилган, қоидалар бунга йўл қўймайди! Шундан сўнг, жанг ноқонуний равишда давом эттирилди. 

Мен адолатдан бошқа ҳеч нарса сўрамайман. Мен мағлубиятдан қочмайман, ҳар бир рақибни ва ҳар қандай натижани ҳурмат қиламан. Аммо қоидалар бузилиб, менинг ғалабамни ўғирлашганда эмас. Бундай эмас. Бундай спортни ҳали кўрмаганман!", - деб ёзди хорватиялик жангчи ижтимоий тармоқда.