02 апр 14:58
Янгиликлар

Бокс/ММА

"Артур 100 ёшга тўлишини кутишмоқда" — Бетербиев мураббийи Бивол жамоасини танқид қилди

Ярим оғир вазн (79,4 кг гача) тоифасида собиқ мутлақ жаҳон чемпиони Артур Бетербиевнинг мураббийи Марк Ремси Дмитрий Бивол жамоасини учинчи жангни ташкил этишни истамагани учун танқид остига олди.

"Бивол трилогияси? Бу ҳақда кўпдан бери ҳеч нарса эшитмаганман, шунинг учун у ҳақда аниқ бир нарса дейишим қийин. Мен 10 йил олдинги Бивол - Бетербиев жангини кўришни афзал кўрардим. Энди эса бизни кутишга мажбур қилишяпти. Бивол жамоасида Артур 100 ёшга тўлишини кутишмоқда. Мен ҳайрон эмасман", - дея Ремсининг сўзларини келтиради BoxingScene.

Эслатиб ўтамиз, Бивол 30 май куни Екатеринбургда германиялик Михаэл Айфертга қарши WBA, IBF ва WBO камарларини мажбурий ҳимоя қилади.