16 янв 09:26
Янгиликлар

Теннис

Australian Open. Дунёнинг олтинчи ракеткасини мағлуб этишди

Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионати кутилмаган натижаларга ҳам бой бўлмоқда.

Жумладан, эркаклар ўртасидаги баҳсларда дунёнинг олтинчи ракеткаси Каспер Рууд иккинчи даврадаёқ Australian Open`даги иштирокини якунлади. Норвегиялик теннисчи ATP рейтингида 48-поғонада бораётган чехиялик Якуб Меньшикка тўрт сет натижасига кўра имкониятни бой бериб қўйди - 2/6, 6/3, 1/6, 4/6.

Бу теннисчиларнинг ўзаро ўтказган илк учрашуви бўлди. Икки соату 44 дақиқа давом этган баҳсда Рууд 7, Меньшик эса 22 та эйс зарбасини амалга оширган.