18 янв 10:36
Янгиликлар

Теннис

Australian Open. Свёнтек Радукануни "сочиб" ташлади

Теннис бўйича "Катта Дубулға" туркумига кирувчи Australian Open турнирида 1/8 финал иштирокчилари маълум бўляпти.

Сайёрамизнинг иккинчи ракеткаси Ига Свёнтек ортиқча қийинчиликсиз мусобақанинг нимчорак финал иштирокчисига айланди. Польшалик теннис маликаси учинчи даврада WTA рейтингида 61-поғонадан жой олган британиялик Эмма Радукануга ҳеч қандай имконият қолдирмади - 6:1, 6:0.

Етмиш дақиқа давом этган баҳсда Свёнтек 2, Радукану 1 та эйс зарбасини амалга оширган. Бешта брейк-пойнт эвазига польшалик теннисчи енгил ғалабани қўлга киритди. Австралия Очиқ чемпионатининг умумий мукофот жамғармаси салкам 60 миллион АҚШ долларини ташкил қилади.