Австралиялик теннисчи Croatia Open Umag ғолиби

ATP рейтингида 90-поғонадан жой олган австралиялик теннисчи ҳал қилувчи финал учрашувида дунёнинг 72-ракеткаси, швейцариялик Стэн Вавринкани 6/7(5), 6/3, 6/4 ҳисобларида мағлубиятга учратди. Бу теннисчиларнинг ўзаро ўтказган илк учрашуви эди. 

Икки соату 36 дақиқа давом этган баҳсда иккала теннисчи ҳам 4 тадан эйс зарбасини амалга оширди. Қўшхатолар 3 га 2, брейклар 4 га 2 кўринишида, Попирин фойдасига бўлди. Бу Яшил қитъа вакилининг фаолиятидаги иккинчи ATP турниридани бош соврини бўлди. Дастлабки совринни у 2021 йилда Сингапурдаги турнирда қўлга киритганди. 

Plava Laguna Croatia Open Umag турниридаги муваффақиятли иштирок австралиялик теннисчига 250 рейтинг очкоси ҳамда 85,605 евро мукофот пули келтирди. Вице-чемпион Вавринка эса бир ҳафталик меҳнатидан 150 очко ва 49,940 евро ишлаб олди.