14 мар 07:34
Янгиликлар

Теннис

BNP Paribas Open. Хачанов 9-ракеткани таслим этди

Дунёнинг 13-ракеткаси Карен Хачанов Индиан-Уэллс турнирининг чорак финалига йўл олди.

Россиялик теннисчи нимчорак финал учрашувида дунёнинг тўққизинчи ракеткаси америкалик Жон Иснерни мағлуб этишнинг уддасидан чиқди. Карен 1 соату 25 дақиқа давом этган баҳсда кучли рақибидан 6/4, 7/6(1) ҳисобида устун келди.

Эътиборлиси, Карен битта, Жон эса 12та эйс зарбасини беришга муваффақ бўлган. Хачанов Иснер учун ноқулай рақиб ҳисобланади. Ўзаро ўтказилган тўртта учрашувнинг барчасида Кареннинг қўли баланд келган. Энди Хачанов чорак финалда Рафаэль Надаль билан куч синашади.