Бокс бўйича жаҳон чемпионига 7 йиллик қамоқ жазоси таҳдид солмоқда

Боксчига ўтган йилнинг ноябрь ойида содир бўлган воқеа сабабли айблов эълон қилинди. Ўшанда америкалик спортчи Lamborghini Uris русумли автомашинасини бошқариб, қизил чироқда ўтиб кетганди. Натижасида у Toyota Solara автомобили билан аварияни келтириб чиқарди. Ҳодиса натижасида тўрт киши жароҳат олган, аммо айбдорнинг ўзи воқеа жойидан ғойиб бўлган эди. Умуман олганда, Девисга ушбу иш бўйича 14 та айблов қўйилган.

“Америкалик боксчининг вазияти автофалокат пайтида унинг ҳайдовчилик гувоҳномасидан маҳрум қилинганлиги сабабли, уни бошқариш ҳуқуқига эга бўлмаганлиги билан янада оғирлашади. Агар Девис барча айбловларда айбдор деб топилса, уни 7 йил 55 кунлик қамоқ жазоси кутмоқда. Иш судга ўтди, аммо санаси ҳали эълон қилинмади” - деб хабар беради BoxingScene.

Девис Флойд Мейвезер промоутерлик компаниясининг энг машҳур боксчиларидан бири ҳисобланади.