Ботир Аҳмедов собиқ рақиби Альберто Пуэллонинг допинг истеъмол қилганлигига ишора қилди

Супер енгил вазн тоифасида (63,5 кг) жанг қилувчи 32 ёшли ўзбекистонлик боксчи Ботир Аҳмедов (9-2) доминиканлик Альберто Пуэллодан допинг аниқланганига муносабат билдирди.

"Биз август ойида WBA камари учун жанг ўтказганимизда мен қандайдир тушунарсиз вазиятни сезган эдим. Мен ўша жангда ғалаба қозонганман деб хисоблайман. Менинг зарбаларим оғирроқ эди. У эса жангдан омон чиқиш учун харакат қилди. Лекин хаётда барибир хақиқат юзага чиқади. Яна бир бор камар учун жанг қилишга умид қилиб қоламан.

Биз иккимиз хам ўша жангдан кейин хали жанг қилмадик ва ортга назар ташлаганимда, менда жуда ҳам шубхали туйғулар пайдо бўлади, ўша жангда хам нимадир борлигига шубхам бор. Мен боксда юзлаб жанглар ўтказганман ва бундай рақибни шубхали томонларини аниқлай оламан", - деди Аҳмедов.

Эслатиб ўтамиз, Ботир Аҳмедов 2022 йил 21 август куни Флоридада (АҚШ) ташкил этилган бокс оқшоми доирасида WBA камари учун Альберто Пуеллога қарши рингга чиқиб, очколар ҳисобига (115:113, 111:117, 111:117) мағлуб бўлган эди.

Аҳмедов 13 май куни америкалик Кеннет Смитга қарши WBA чемпионлик камари учун даъвогарлик жангини ўтказади.