Cincinnati Open турнири ғолиби аниқланди

Мусобақа бош соврини Арина Соболенкога насиб этди. Беларуслик теннис маликаси ҳал қилувчи финал учрашувида дунёнинг олтинчи ракеткаси, америкалик Жессика Пегулани мағлубиятга учратди - 6/3, 7/5. Теннисчиларнинг ўзаро учрашувларида Арина олдинда бормоқда - 5:2.

Етмиш олти дақиқа давом этган баҳсда Соболенко 10, Пегула 5 та эйс зарбасини амалга оширган. Қўшхатолар мағлуб теннисчида кўпроқ бўлди - 5 га 1. Брейклар бўйича устунлик табиийки, Соболенко фойдасига - 3 га 1! 

Шу тариқа, Арина Соболенко фаолиятидаги 15-совринни қўлга киритди. Бу унинг жорий мавсумдаги иккинчи, WTA 1000 тоифасига кирувчи олтинчи титули бўлди. Бугун эълон қилинган рейтингда дунёнинг иккинчи ракеткасига айланиб олган Арина 1000 рейтинг очкоси ҳамда 523,485 АҚШ доллари миқдорида пул мукофоти ишлади. Пегула эса 650 очко ва 308,320 долларга эга бўлди.