04 фев 10:19
Янгиликлар

Теннис

Даяна ҳамюрти Свитолинанинг рекордини янгилади

Бугун 18 ёшли Даяна Ястремская WTA рейтингида Топ-40га кирган энг ёш украиналик теннисчига айланди.

Ястремская бу натижага ўзининг 18 ёш 8 ой 20 кунлигида эришди. Бу билан Даяна украиналик теннис маликаси Элина Свитолинанинг рекордини янгилади. Элина дунёнинг 40-ракеткаси бўлгани 19 ёшу 4 кунлик (6 сентябрь, 2013) эди.

Бугун эълон қилинган янги рейтингда Даяна Ястремская 34-ўринга кўтарилиб олди. Даяна кеча Таиландда якунланган WTA турнирида бош мукофотни қўлга киритган эди. Украина тарихида илк бор айни пайтда Топ-40 рейтингидан уч нафар теннисчи - Элина Свитолина - 7, Леся Цуренко - 24 ва Даяна Ястремская - 34 жой олган.