29 дек 09:34
Янгиликлар

Дзюдо

Диёра Келдиёрова Дзюдо маҳорати мактаби тарбияланувчилари билан учрашди + ФОТО

Президент қарори билан ташкил этилган Урганч дзюдо маҳорат мактабида янги йил муносабати билан тадбир ташкил этилди.

Унда Париж-2024 Олимпиадаси чемпиони Диёра Келдиёрова ҳам иштирок этиб, ёш дзюдочиларнинг қувончига шерик бўлди. Байрамона руҳда ўтган тадбир сўнггида Ўзбекистоннинг ёзги олимпия ўйинлари тарихидаги илк аёл Олимпиада чемпиони ҳисобланган Диёра халқаро ареналарда юқори натижаларга эришаётган Урганч дзюдо маҳорат мактаби тарбияланувчиларини тақдирлаш маъросимида қатнашди.

Хоразм вилоят Спорт бошқармаси бошлиғи Н.Жуманиязова Олимпиада чемпионига эришган натижалари юртимиз спортчи ёшларига ўрнак бўлаётганини таъкидлаб, миннатдорлик билдирди.