Диёра Келдиёрова Самарқанд вилояти ҳокимига имзоси туширилган кимоно совға қилди + ФОТО

Кун якунида федерация раҳбари Париж-2024 Олимпиадаси чемпиони Диёра Келдиёрова билан бирга Самарқанд вилоят ҳокими қабулида бўлди. Уларни вилоят ҳокими вазифасини бажарувчи Адиз Бобоев қарши олди. 

Учрашувда Самарқанд вилояти дзюдосини янги босқичга олиб чиқиш, Диёра Келдиёрова издошларининг сафини кенгайтириш, спорт объектларининг моддий-техник базасини янада яхшилаш каби қатор масалалар муҳокама қилинди.

Суҳбат сўнггида ўзбек дзюдоси маликаси Адиз Музаффаровичга ўз дастхати туширилган кимоносини совға қилди. Ўз ўрнида Азизжон Камилов ҳам Самарқанд вилояти дзюдоси ривожи учун катта ҳисса қўшиб келаётган Адиз Бобоевга эсдалик совғаси тақдим этди.

Шу тариқа, Ўзбекистон дзюдо федерацияси раиси Азизжон Камиловнинг Самарқанд вилоятига уюштирган хизмат сафари якунига етди.