04 апр 11:22
Янгиликлар

Бокс/ММА

Дмитрий Бивол яна бир чемпионлик камаридан маҳрум бўлиши мумкин

Бу ҳақда дунёга машҳур ва ҳозирда Турки ал-Шейхга тегишли The Ring журнали хабар бермоқда.

Ярим оғир вазн тоифасида собиқ мутлақ чемпиони россиялик Дмитрий Бивол WBO камаридан маҳрум бўлиши мумкин.

Маълумотларга кўра, Бивол ва германиялик Михаэл Айферт ўртасидаги бўлажак тўқнашув ғолибига мажбурий рақиб сифатида Дэвид Моррел ва Каллум Смит ўртасидаги қарама-қаршилик ғолиби тайинланади. Уларнинг жанги 18 апрель куни Англиянинг Ливерпуль шаҳрида бўлиб ўтади ва унда WBO вақтинчалик камари ўртага қўйилади.

Бивол ушбу жанг ғолибига қарши мажбурий титул ҳимоясини ўтказишдан бош тортиши эҳтимоли бор. Чунки у бир неча бор ватандоши Артур Бетербиев билан трилогияда ҳамда ярим оғир вазн тоифасида WBC чемпиони америкалик Дэвид Бенавидес билан жангда қатнашиш истагини билдирган.