06 мар 12:19
Янгиликлар

Теннис

Донна Векич Abierto GNP Seguros турнири ғолибаси

Бугун тонгда Мексиканинг Монтеррей шаҳрида теннис бўйича WTA турнири ўз якунига етди.

Ҳал қилувчи финал учрашувида WTA рейтингида 31-поғонада бораётган хорватиялик Донна Векич дунёнинг 5-ракеткаси, франциялик Каролин Гарсияни мағлуб этишни уддалади - 6/4, 3/6, 7/5.

Икки соату 31 дақиқа давом этган баҳсда Векич 13, Гарсия эса 15 та эйс зарбасини амалга оширган. Теннисчиларнинг ўзаро учрашувларидаги ҳисоб Векич фойдасига бўлиб турибди - 6:4.

Донна Мексикада фаолиятидаги 4-совринини қўлга киритди. Векич бир ҳафталик меҳнатидан 280 рейтинг очко, 34,228 АҚШ доллари ишлаб олди. Гарсия эса 180 балл ҳамда 20,226 долларга эга чиқди.