10 май 06:13
Янгиликлар

Теннис

Дунёнинг биринчи ракеткаси Римдаги юришини бошлади

Италиянинг Рим шаҳрида теннис бўйича WTA 1000 тоифасига кирувчи нуфузли турнир давом этмоқда.

Сайёрамизнинг биринчи ракеткаси Ига Свёнтек мусобақадаги иштирокини ғалаба билан бошлаб олди. Польшалик теннис маликаси илк даврада WTA рейтингида 77-поғонада бораётган америкалик Бернарда Перага ҳеч қандай имконият қолдирмади - 6/0, 6/2.

Теннисчиларнинг ўзаро учршувларидаги ҳисоб йириклашди - 3:0. Етмиш саккиз дақиқа давом этган баҳсда Свёнтек эйс зарбасини амалга ошира олмади, қўшхатога ҳам йўл қўймади. Олтита брейк унга енгил ғалабани тақдим этди.

Энди Ига 1/16 финалда Юлия Путинцевага қарши кортга чиқади. Қозоғистонлик теннисчи ўз ўрнида америкалик Слоан Стивенсдан устун келди - 6/3, 6/2.