27 апр 10:16
Янгиликлар

Теннис

Елена Рибакина Мадрид турнири учинчи даврасида

Испания пойтахти Мадрид шаҳрида теннис бўйича WTA 1000 тоифасига кирувчи турнир давом этмоқда.

Дунёнинг тўртинчи ракеткаси бўлиб турган Елена Рибакина мусобақанинг учинчи давра иштирокчисига айланди. Қозоғистонлик теннисчи WTA рейтингида 46-поғонасида бораётган италиялик Лючия Бронцеттини мағлубиятга учратди - 6/4, 6/3.

Бу теннисчиларнинг ўзаро ўтказган илк учрашуви эди. Етмиш олти дақиқа давом этган баҳсда Рибакина 4, Бронцетти 2 та эйс зарбани амалга оширган. Қўшхатолар Елена биттага кўпроқ бўлди - 5 га 4. Елена 4, Лючия 2 та брейкка эришди. Энди Рибакина Маяр Шерифга қарши кортга чиқади. Мисрлик теннисчи ўз ўрнида украиналик Марта Костюкдан 6/2, 7/5 ҳисобида устун келди