16 ноя 10:34
Янгиликлар

Бокс/ММА

Фергюсон Конорга: Кучлилар билан жанг қилишга "духинг" етмайди

Собиқ вақтинчалик UFC чемпиони Тони Фергюсон икки вазнда собиқ чемпион Конор Макгрегорнинг жиғига тегишни бошлади.

Америкалик Конорни чемпионлик камари учун потенциал даъвогарлар билан жарг қилмасликда айбламоқда.

"Конор, сен қўрқоқсан! Чунки, сен чемпионликка даъвогар жангчиларга қарши октагонга чиқишдан ўзингни олиб қочяпсан. Сенга ачинаман. Сен қалбакилигинча қоласан. Тез орада кўришамиз, қўрқоқ!", — дея Твиттер саҳифасида хабар қолдирган Фергюсон.

Хабарда айтилишича, Фергюсонга Конорнинг Дастин Порье билан жанг учун шартнома имзолаши ёқмаган. Конор - Дастин жанги 2021 йилнинг январь ойида бўлиб ўтади. Тонининг ўзи декабрь ойида Майкл Чендлерга қарши октагонга чиқади.