Фигурали учиш бўйича янги мавсум учун Гран-прилар тақвими тасдиқланди. Гейниш ва Чигирёв қайси босқичларда қатнашади?

Эътиборлиси, бу йилдан барча Гран-прилар рўйхати қайтадан шакллантирилиб, мезбонлар аралаштирилди. Мавсум 17-19 октябрь кунлари Франциянинг Анже шаҳрида бошланади. Финал босқичи эса 4-7 декабрь кунлари Япониянинг Нагоя шаҳрида бўлиб ўтади.

Эътиборлиси, жуфтлик йўналишида Ўзбекистон терма жамоаси аъзолари, Милан ва Кортина-2026 қишки Олимпия ўйинларига йўлланма қўлга киритган Екатерина Гейниш ва Дмитрий Чигирёв Хитой (24-26 октябрь) ва АҚШдаги (14-16 ноябрь) босқичларда баҳс олиб борадиган бўлди.

Эслатиб ўтамиз, фигурали учувчиларимиз ўтган мавсумдаги Гран-при серияси доирасида Канададаги босқичда кумуш медалга эга чиқишганди.

2025/26 йилги мавсумда ўтказиладиган гран-прилар рўйхати:

17-19 октябрь - Франция, Анже

24-26 октябрь - Хитой, Чонгқин

31 октябрь-2 ноябрь - Канада, Саскатун

7-9 ноябрь - Япония, Осака

14-16 ноябрь - АҚШ, Нью-Йорк

21-23 ноябрь - Финляндия, Хельсинки

4-7 декабрь - Финал. Япония, Нагоя.