19 июн 14:27
Янгиликлар

Бокс/ММА

Фирибгарликда айбланган GFL Лигаси яна қайтаётганини эълон қилди. Илк турнирнинг марказий жанги Тони Фергюсон иштирокида ўтади

Собиқ UFC Interim чемпиони Тони Фергюсон ҳамда Диллон Дэнис ўртасидаги жанг қайта ташкил этилади.

Маълум қилинишича, спортчилар 17 октябрь куни АҚШнинг Лас-Вегас шаҳрида ташкил этиладиган Global Fight League (GFL) Launch Event турнири доирасида октагонга кўтарилади.

Ушбу тўқнашув аввал 2025 йил май ойида бўлиб ўтиши режалаштирилган эди, аммо GFL'нинг илк турнирлари бекор қилингани сабабли жанг ҳам қолдирилган.

Фергюсон 2025 йил бошида UFC билан ҳамкорликни якунлаб, GFL лигаси билан шартнома имзолаган эди. Дэнис эса сўнгги вақтларда бир қатор турли форматдаги жангларда иштирок этиб келмоқда.

Маълумот учун, 42 ёшли Фергюсон UFC тарихидаги энг ёрқин енгил вазн жангчиларидан бири ҳисобланади. У 12 та кетма-кет ғалаба сериясига эришган ва вақтинчалик чемпионлик камарини қўлга киритган.