ФОТОГАЛЕРЕЯ: 14 ёшдан 18 ёшгача бўлган ўғил ва қиз болалар ўртасидаги Ўзбекистон чемпионати баҳсларида 5 та тур ўйналди. Кимлар етакчи?

Чемпионатда ҳозирча 5 та тур ўйналди. Ундаги натижаларга кўра, 14 ёшдаги шахматчилар орасида Нилуфархон Имомқўзиева, Шохина Аҳмедова, Миразиз Қўзиев, Шаҳромбек Каримовлар 5 имкониятдан 4,5 тадан очко жамғара олди. 16 ёшлилар ўртасида Гулдона Каримова, Бахром Бахриллаев, Расулбек Абдуллаевлар ҳисобида ҳам шунча - 4,5 та очко бор. 18 ёшли қизлардан Мафтуна Бобомуродова, Умида Омонова, Озода Шахзодова, Мохинур Ҳабибуллаевалар бир хил 5 имкониятдан 4 тадан очкони ўз ҳисобларига ёзиб қўйишган. Ўғил болалардан Олмос Раҳматуллаев 4,5 та очко билан гуруҳда етакчилик қилмоқда.

Чемпионат баҳсларининг стандарт йўналишида 9 та тур ўйналади. Ундан сўнг, рапид ва блиц йўналишларида ҳам шахматчилар ўзаро баҳсларга киришади.

Мусобақанинг ғолиб ва совриндорлари 4 март куни маълум бўлади.

Суратлар муаллифи - Алимурод Мадаминов, Olamsport.com фотомуҳбири.