Фрэнсис Нганну UFC’га қайтиши мумкин

Бу ҳақда жангчининг мураббийи Эрик Никсик маълум қилди:

"Оғир вазн дивизиони ҳозир таназзулда. Менимча, Фрэнсис шу бўшлиқни тўлдириши мумкин. Мен улар ўз келишмовчиликларини ҳал қилишларини хоҳлардим. Фрэнсис бошиданоқ юқори маош тўлайдиган ва боксга рухсат бериладиган жойда жанг қилишни хоҳлаган.

У рингда ўзини синаб кўрди, етарли пул ишлади. Эндиликда унга пул эмас, рақобат муҳим. Ва энг кучли рақобат – UFC’да.

Дана Уайт оқилона ишбилармон ва у тушунади: гап эгода эмас, компаниянинг манфаатларида. Агар улар келиша олса ва бу тарафларга фойда келтирса – нега йўқ?

Аспиналл 600 кундан буён вақтинчалик камарни ушлаб турибди. Мен айтмаяпманки, Нганну муаммонинг ягона ечими, лекин у бу дивизионнинг нуфузи ошади. Ўтмишни ўтмишда қолдиринг. Ҳамма пул ишлайди, ҳамма рози бўлади – ишлар олдинга силжийди", – деди у “Home of Fight” нашрига.