Фьюрининг жангдан сўнг Уайтга нималар дегани маълум

23 апрель оқшомида Тайсон Фьюри ўзининг WBC чемпионлик камарини Диллиан Уайтга қарши жангда муваффақиятли ҳимоя қилди. Жангда ғалабага эришган Фьюри ҳамюртини қўллаб-қувватлади.

Фьюри матбуот анжуманида Уайт билан суҳбати тафсилотларини айтиб берган. "Лўлилар Қироли"нинг сўзларига кўра, у рақибига албатта жаҳон чемпиони бўлишини айтган.

"Уни урган бўлсам ҳам, ташвишландим. Диллианга жангни давом эттиришга рухсат беришларидан ҳавотирда эдим, лекин ҳакам тўғри қарор қабул қилди. Мен чаққон боксчи эдим. Ҳозир мен ҳақиқатан ҳам вазнимдан фойдаланаман ва рақибларим уни ҳис қилишига имкон бераман. Бу ҳақиқатан ҳам дивиденд олиб келади.

Жангдан кейин Диллиан билан гаплашдим. Уни қучоқлаб, ўпиб қўйдим. Унга чемпион бўлишини, лекин ҳозир энг зўрлари билан тўқнаш келаётганини айтдим. Одамлар Уайтнинг ёмон кўринишини айтишади. Умуман қўлқоп киймаган одамларни кўрдим, кейин шунга ўҳшаш изоҳ бердим: "Боргинда, қўлқопни кий, кейин гапир", - дея Фьюрининг сўзларини келтиради talkSPORT.