Глендейлдаги проф бокс оқшоми иштирокчилари тарозига чиқишди

Top Rank промоутерлик компанияси томонидан ташкил этилаётган турнир иштирокчилари тарози ҳамда face to face маросимларида ҳозир бўлишди. Оқшомнинг марказий жанги иккинчи ярим енгил вазн тоифасида вакант бўлиб турган вақтинчалик WBO камари учун бўлиб ўтади. 

Унда мексикалик Оскар Вальдес (31-2, 23 КО) австралиялик Лиам Уилсон (13-2, 7 КО)га қарши рингга кўтарилади. Иккала жангчи ҳам тарозида бир хил вазн кўрсатишди - 58,8 кг. Аҳамияти жиҳатидан иккинчи жанг минимал вазн тоифасида америкалик Синиеса Эстрада ҳамда Коста-Рика вакиласи Йокаста Валле ўртасида кечади. 

Асосий карднинг тарози натижалари:

Оскар Вальдес (58.83 кг) - Лиам Уилсон (58.78 кг)

Синиеса Эстрада (47.26 кг) - Йокаста Валла (47.30 кг)

Ричард Торес (107.31 кг) - Дональд Хейнсуорта (125.41 кг)