24 дек 08:34
Янгиликлар

Теннис

Hawaii Open. Бош соврин учун Раонич ва Нишикори кортга чиқади

Гавайи оролларининг Гонолулу шаҳарчасида ўтказилаётган теннис бўйича кўргазмали турнир якунига етиб боряпти.

Hawaii Open мусобақасида финалчилар аниқланди. Ярим финал босқичида канадалик Милош Раонич ҳамда япониялик Кеи Нишикори рақиблари устидан ғалабага эришиб, финал чиптасини қўлга киритишди.

Биринчи ярим финал жуфтлигида Раонич америкалик Райан Харрисонни 6/3, 6/4 ҳисобида мағлуб этди. Иккинчи ярим финалда эса Нишикори яна бир АҚШ вакили Кристиан Харрисондан устун келди - 6/1, 6/2.