19 авг 11:35
Янгиликлар

Теннис

Ига Свёнтек Cincinnati Open чемпиони!

АҚШнинг Цинциннати шаҳрида ўтказилган WTA 1000 тоифасига кирувчи нуфузли турнир якунига етди.

Мукофот жамғармаси 5 миллион 152 минг 599 долларини ташкил қилган Cincinnati Open бош соврини Ига Свёнтекка насиб этди. Польшалик теннис маликаси ҳал қилувчи финал учрашувида италиялик Жасмин Паолинини 7:5, 6:4 ҳисобида мағлубиятга учратди.

Бир соату 50 дақиқа давом этган баҳсда Свёнтек 9 та эйс, 6 та брейкни амалга ошириб, 7 та қўшхатога йўл қўйди. Цинциннатидаги муваффақиятли иштирок Игага 1000 рейтинг очкоси ҳамда 752 минг АҚШ доллари миқдорида мукофот пули келтирди. Финалчи Жасмин эса 650 очко ҳамда 391 000 долларга эга бўлди.