IJF Judo Awards 2025! Йилнинг энг яхшиларига овоз бериш бошланди. Икки йўналишдаги даъвогарлар орасида бизникилар ҳам бор!

Эътиборлиси, тақдим этилган номинацияларнинг иккитасида бизникилар ҳам даъвогарлар рўйхатига киритилган:

1. "Болалар учун йилнинг энг яхши лойиҳаси" (Judo for Children Project of the Year)

Диёра Келдиёрованинг дзюдо мактаби - очилганига ҳали унчалик ҳам кўп бўлмаган ушбу ихтисослаштирилган дзюдо залида 300 нафарга яқин болалар шуғулланмоқда

2. Йилнинг мураббийлик ютуғи (Coaching Achievement of the Year)

Аурелиан-Чиприан Флис, Ўзбекистон ўсмирлар терма жамоаси бош мураббийи. Бу мутахассис қўл остида ўсмирлар терма жамоамиз Болгарияда ўтган жаҳон чемпионатида 5 та олтин ва 2 та бронза медали билан умумжамоа ҳисобида 71 давлат орасида 1-ўринни эгаллаганди. Ўсмирларимиз шу йил Индонезиядаги Осиё чемпионатида ҳам жами 18 та медаль билан биринчи бўлишди.  

Овоз бериш жараёни:

Кечадан бошланган овоз бериш жараёни 15 январга қадар давом этади. Ҳар бир иштирокчи битта овоз бериш имконига эга. Овозлар берилганидан кейин уни ўзгартириб  бўлмайди. Ғолиблар 2026 йилги Parij Grand Slam доирасида ўтказиладиган IJF Awards 2025 маросимида эълон қилинади. 

️Барчани Диёра Келдиёрова ва Аурелиан-Чиприан Флисга овоз бериш жараёнида фаол иштирок этишга чорлаймиз!

Овоз бериш учун ҳавола: https://judotv.com/awards