09 мар 09:44
Янгиликлар

Теннис

Истоминнинг Индиан-Уэллсдаги учрашуви эртага тонг саҳарда бўлиб ўтади

Шу кунларда АҚШнинг Индиан-Уэллс шаҳрида теннис бўйича нуфузли “Мастерс” турнири ўтказилмоқда.

Мукофот жамғармаси 7.972.535 АҚШ долларини ташкил қилувчи турнирда Ўзбекистоннинг биринчи рақамли теннисчиси Денис Истомин ҳам иштирок этади.

Ҳамюртимиз турнирдаги иштирокини эртага бизнинг вақт билан тонг саҳарда германиялик Пётр Гоевчикка қарши баҳс билан бошлайди. Ушбу учрашув ғолиби иккинчи даврада британиялик Кайл Эдмундга қарши кортга чиқади.

Маълумот учун, Денис Истомин айни пайтда дунё рейтингида 87, Гоевчик эса 50-ўринни эгаллаб турибди.