30 окт 15:10
Янгиликлар

Бокс/ММА

Жейк Пол: "Жервонта Дэвисга қарши жанг олдидан қўрқяпман"

Машҳур блогер ва шоумен Жейк Пол ўзининг бўлажак рақиби Жервонте Дэвисга нисбатан қўрқув ҳис қилмоқда.

"Бу менинг рингдаги энг қийин синовим бўлиши аниқ. Унинг иккала қўлида ҳам куч бор. Жанг олдидан ҳар қачонгидан ҳам кўпроқ қўрқяпман. Унинг тезлиги, маҳорати, функционал тайёргарлиги - Дэвис биринчи сониядан сўнгги сониягача ўткир бўлади. Аммо Жервонтани нокаутга учратиш учун менда куч ва ҳужумкор арсенал борлигига ҳам ишонаман", - дея Полнинг сўзларини келтиради The Ring.

Эслатиб ўтамиз, Пол - Дэвис жанги 15 ноябрь куни Майами шаҳрида бўлиб ўтади. Ўзининг сўнгги жангида Жейк мексикалик Хулио Сезар Чавесни очколар ҳисобига кўра мағлуб этганди. Жанг биринчи оғир вазн тоифасида ўтказилади. Енгил вазнли Жервонта эса баҳорда Ламонт Роуч билан дуранг натижа қайд этган эди.