07 дек 08:01
Янгиликлар

Бокс/ММА

Жейк Полга янги ва эски рақиб топилди - Тайрон Вудли!

Бироз аввал таниқли блогер Жейк Полнинг 18 декабрь кунига белгиланган жангдаги рақиби Томми Фьюрининг сафдан чиққани ҳақида хабар берган эдик.

Ташкилотчилар жуда қисқа фурсатда блогерга янги рақиб топиб беришди. Аслида янги деб ҳам бўлмайди. Ярим ўрта вазн тоифасида собиқ UFC чемпиони Тайрон Вудли блогерга қарши жанг ўтказишга розилик берди. У жароҳат олган Томмининг ўрнини эгаллайди.

Бу 39 ёшли Вудли учун реванш мақомидаги жанг бўлади. Саккиз раундга мўлжалланган профессионал бокс йўналишидаги жанг 18 декабрь куни АҚШнинг Флорида штати Тампа шаҳрида бўлиб ўтади. Жейк Пол ва Тайрон Вудли ўртасидаги илк жанг шу йилнинг август ойида ўтказилган ва унда ютубер номдор рақибини 77-75, 78-74, 75-77 ҳисобига кўра мағлуб этган эди.