03 май 08:14
Янгиликлар

Шахмат

Жисмоний тарбия ва спорт вазирлигидан яна бир мега акция

Жисмоний тарбия ва спорт вазирлиги томонидан карантин даврида спорт ихлосмандлари учун яна бир онлайн мусобақа ташкил этилмоқда.

Жорий йилнинг 11 майидан 20 майига қадар ҳаваскорлар ўртасида шахмат бўйича “Уйда қол ва ғолиб бўл!” шиори остида биринчи онлайн Ўзбекистон чемпионати ўтказилади ва унда республикамизнинг барча ҳудудларидан хоҳловчилар иштирок этиши мумкин.

Мусобақа иштирокчиларининг ёши чегараланмаган. Онлайн мусобақа ғолиблари 3 млн сўм пул мукофоти билан тақдирланади. Мусобақада қатнашиш истагида бўлган ҳаваскорлар www.chess.com сайтига кириб, рўйхатдан ўтишлари лозим.

Карантин даврини уйда қолиб, спорт билан мазмунли ўтказинг. Онлайн мусобақада иштирок этинг ҳамда 10 нафар ғолиб қаторида 3 млн сўм ютиб олиш имкониятини қўлдан чиқарманг!