Коко Гофф Цинциннати турниридаги юришини давом эттирмоқда

Америкалик иқтидор эгаси тўртинчи даврада WTA рейтингида 61-поғонада бораётган италиялик Лючия Бронцеттини ортиқча қийинчиликсиз мағлубиятга учратди - 6/2, 6/4. Теннисчиларнинг ўзаро учрашувларидаги ҳисоб йириклашди - 3:0. 

Етмиш тўққиз дақиқа давом этган баҳсда Гофф 6, Бронцетти 2 та эйс зарбасини амалга оширган. Қўшхатолар италияликда биттага кўпроқ бўлди - 4 га 3. Брейклар бўйича эса табиийки, ғолиб теннисчи устунлик қилди - 5 га 2. 

Гофф бу йилги мавсумда 35-ғалабасини қўлга киритди. Фаолиятида иккинчи бор Цинциннати турнири 1/4 финалида ўйнайди. 21 ёшли Кори фаолиятида WTA 1000 тоифасига кирувчи турнирларда 19 бор ушбу босқичга етиб келган.

У 22 ёшгача бу натижага эришган учинчи теннисчи бўлди. Бу борада Гофф афсонавий Мартина Хингис (39) ҳамда россиялик Мария Шарапова (20)га ютқазмоқда.