Крикет. Ҳиндистон жамоаси иккинчи бор мағлуб этилди + ФОТО

Бироқ 2019 йилда ташкил этилган мазкур спорт турини аҳоли, айниқса, ёшлар орасида оммавийлигини таъминлаш юзасидан Ўзбекистон крикет федерацияси томонидан бир қатор ишлар амалга оширилмоқда. Жамоалар шакллантирилиб, федерация томонидан режага мувофиқ, турли мусобақалар ҳам йўлга қўйилди.

Крикет энг оммалашган ва ривожланган давлатларнинг жамоалари билан ўтказилаётган ўртоқлик ўйинлари эса жамоаларимизнинг тажриба орттиришида, иқтидорли крикетчиларни саралаш ва терма жамоаларимизга муносибларни жалб этишга қаратилган. Ўтказилаётган ўртоқлик учрашувларида эса крикетчиларимиз устунликка ҳам эришишмоқда.  

Кеча пойтахтимиздаги Ўзбекистон Мудофаа визирлигига қарашли спорт мажмуасида Ўзбекистон крикет федерацияси Ҳиндистоннинг Ўзбекистондаги элчихонаси ва қўшма корхоналари вакиллари билан ҳамкорлигида крикет бўйича иккинчи ўртоқлик мусобақасини  ўтказди. Мазкур ҳамкорликдаги дўстона учрашувда Қашқадарёнинг “Барлос” крикет клуби жамоаси Ҳиндистоннинг Ўзбекистондаги элчихонаси вакиллари ҳамда мамлакатимизда яшаб, корхона ва ташкилотларда меҳнат қилаётган ҳиндистонликлардан иборат “India Club Tashkent” клуби жамоасига қарши баҳс олиб боришди. 

Муросасиз ва шиддатли ўтган ушбу ўйинда Қашқадарё вилоятининг мазкур “Барлос” жамоаси “India Club Tashkent” жамоасига муносиб қаршилик кўрсатиб, икки бўлимдан иборат ўйин якунига кўра, 4 очко фарқи билан (75:71) ғалаба қозониб, ғолибликка эришди. 

Эътиборли жиҳати, “India Club Tashkent” жамоаси ўтган ойнинг 6 май санасидаги ўртоқлик учрашувида Тошкентнинг “Анфа” жамоасига қарши ўйинда ҳам 1 очко фарқи билан мағлубиятга учраган эди.

Азиз МИХЛИЕВ, Ўзбекистон крикет федерацияси раиси: -  Бугун    иккита жамоа ўртасидаги ўйинга гувоҳ бўлдик. Ўтган сафарги ўйинда рақиб жамоа мағлубиятга учрагани боис,  бизни қайта  ўртоқлик ўйинига таклиф  этди. Бу галги ўйинда жамоамиз  олдинги   ўйиндагидан ҳам  юқори натижа билан рақибларимизми мағлубиятга учратишди. Демак, бу натижадан кўринадики,  мамлакатимизда крикет ривожланаётганидан, аста - секин профессинал даражага кўтарилаётганидан   дарак беради. Дунёнинг 104 мамлакатида крикет профессинал даражада фаолият кўрсатади. Шундан 12 та давлат халқаро крикет кенгашининг тўлиқ аъзоси ҳисобланади. 92 та давлат эса халқаро крикет кенгашига қўшилишига сазовор ва ҳуқуқи бор  саналади. Ўзбекистон крикет федерациясининг олдида бир нечта улкан мақсад ва вазифалари турибди. Аввало, федерациямизнинг юқорида таъкидлаганимиздек, халқаро крикет кенгашига қўшилишига сазовор бўлиш.  Бунинг учун халқаро крикет кенгаши томонидан бир қатор талабалар қўйилган. Ушбу талаблар устида фаол ишлар олиб бормоқдамиз. Бироқ талабларни бажариш осон бўлаётгани йўқ. Чунки расмий ишлардан ташқари улар қўйган талабларни мамлакатимизда жорий қилиш яъни, крикет майдончаларининг йўқлиги, крикет бўйича шуғулланувчи ўғил-қизларимизни крикетга мос кенг стадионларда туқмоқда уриш сингари бир қанча машғулотларни эмин –эркин бажаролмаётгани бизни бироз қийнаб, тўсиқ бўлиб турибди. Яна бир жиҳатни ҳисобга олишимиз керакки, крикет орқали биз эртага Ўзбекистонга кўплаб инвесторларни, туристик сайёҳларни жалб қилишимиз мумкин. Бу борда  “Крикет ва туризм” деган мавзуда илмий ишлар олиб борилган ва бу ўз исботини топган. Крикет спорт турини мамлакатимизда ривожлантиришимиз орқали айнан атрофимиздаги Афғонистон, Покистон, Ҳиндистон, Бангладеш, Шри-Ланка ва шунга ўхшаш яқин давлатлардан кўплаб хорижий сайёҳларни олиб киришга эришамиз. Ҳамкорлик доирасида ҳам кенг кўламли ишлар бошланган. Ички ҳамкорлик доирасида Давлат статистика қўмитаси билан келишувга эришдик.  Эндиликда статистика қўмитаси ходимлари билан жамоалар шакллантирилган ҳолда ҳам ўйинлар ташкил этилади. Бундан ташқари биз яқинда  халқаро ҳамкорлик доирасида Афғонистон крикет кенгаши билан музокоралар олиб бордик. Ва улар билан ҳамкорлик меморандумини имзоладик. Меморандумдан мақсад аввало Афғонистон крикет кенгаши халқаро крикет кенгашининг тўлиқ аъзоси ҳисобланди  ва уларда крикет профессионал даражада ривожланганки, халқаро крикет оламида ўз мавқеигаэга. Бизга улардан крикет тренерларини тайёрлаш, крикет бўйича техник ва тактик усуллар, жамоаларни шакллантириш каби ўзаро ёрдам алмашишларни назарда тутганмиз. Яқинда ушбу меморандум хусисида ҳам расман ахборот берамиз.

Илҳом РАҲМОНОВ тайёрлади