03 апр 09:33
Янгиликлар

Теннис

Лайма Владсон ўзидан 132 поғона қуйидаги рақибаси олдида ожиз қолди

Мамлакатимизнинг тўртинчи ракеткаси Лайма Владсон Мисрнинг Шарм Ал-Шейх шаҳрида ўказилаётган W15 тоифасига кирувчи турнирда иштирок этаётгани ҳақида хабар берган эдик.

Турнирда саккизинчи рақам остида таснифланган вакиламиз илк даврада швейцариялик рейтинги йўқ теннисчи Жозефин Кунцни 6/0, 7/5 ҳисобида мағлубиятга учратганди. Афсуски, литвадан маҳаллийлаштирилган Лайма 1/8 финалда хорватиялик Карла Поповичга деярли қаршилик кўрсатмади - 1/6, 2/6.

Таққослаш учун, Владсон айни пайтда WTA рейтингида 797, Попович эса 929-поғонада бормоқда. Бу теннисчиларнинг ўзаро ўтказган илк учрашуви бўлди.