13 ноя 15:21
Янгиликлар

Теннис

Максим Шин бошдан баланд сакрай олмади

Туркиянинг Анталия шаҳрида теннис бўйича М15 тоифасига кирувчи турнир бўлиб ўтмоқда.

Унда ҳамюртимиз Максим Шин ҳам ўз имкониятини синовдан ўтказаётганди. Мамлакатимизнинг учинчи ракеткаси илк даврада туркиялик Ахмет Атабайни ортиқча қийинчиликсиз мағлуб этганди - 6/0, 6/2. Афсуски, бугун у 1/8 финалда турнирнинг олтинчи ракеткаси руминиялик Николас Ионелга 3/6, 2/6 ҳисобида имкониятни бой бериб қўйди.

Таққослаш учун, Шин айни пайтда ATP рейтингида 987-поғонадан жой олган. Николас Ионел эса дунёнинг 515-ракеткаси бўлиб турибди. Бу теннисчиларнинг ўзаро ўтказган илк учрашуви бўлди.